တရုတ်ပြည် အား ဘယ်လိုအုပ်ချုပ်ထားသနည်း။ (၂)



စည်းကမ်းထိန်းသိမ်းရေး ကော်မရှင်

ပါတီအဖွဲ့ဝင်များသည် ပါတီအတွင်း ဖေါက်ပြန်မှုများ၊ စီမံအုပ်ချုပ်မှု ညံဖျင်ခြင်း၊ ပါတီမှ ခွဲထွက်ခြင်း အစရှိသဖြင့် ထင်မြင်ယူဆ သံသယရှိခံရပါက စုံစမ်းစစ်ဆေးရေး ကော်မရှင်မှ လေ့လာဆန်းစစ်ခြင်း မပြုသေးခင် ပါတီတွင်းမှ ဆွဲထုတ်၍ ပါတီအတွင်းစည်းကမ်းဥပဒေများနှင့် ယှဉ်ဆိုင်ဖြေရှင်းရကာ အလွဲသုံးစား လုပ်မှုများကို အသေအချာ လေ့လာစောင့်ကြည့် မေးမြန်းကြသည်။

တရုတ်ပြည်၏ စီးပွားရေး ပြုပြင်ပြောင်းလဲမှုများ တဖြည်းဖြည်းနှင့် ခြေလှမ်းမှန်မှန် ပြောင်းလဲလာသည်နှင့် အမျှ ဖေါက်ပြန်ပျက်ဆီးမှုများသည် ပါတီရပ်တည်ရေးအတွက် ပျက်ဆီးဆုံးရှုံးစေနိုင်သော အဓိက အကြောင်းအခြင်းအရာတစ်ခုလည်း ဖြစ်သည်။

ထိုသည်အတွက် အလွဲသုံးစားလုပ် ဖေါက်ပြန်နေသည့် အစိုးရဝန်ထမ်း၊ အရာထမ်းများကို အမြစ်မှ ဖေါ်ထုတ် ဆွဲနုတ်နိုင်ရန်အတွက် အဆက်အပြတ် ဆော်သြော်လုပ်ဆောင်ချက်များ ပြုလုပ်ကာ ပြစ်မှုကျုးလွန်၍ ပြစ်ဒဏ်ကြခံ ရသည့် ထိပ်တန်းမှ အရာရှိ ဝန်းထမ်းများကို သတင်းစာမျက်နှာများတွင် အပြည့်အစုံ ဖေါ်ပြကြသည်။

ဥပမာအားဖြင့် ရှန်ဟိုင်ပါတီ မှ ထိပ်တန်းခေါင်းဆောင်၊ ပေါလစ်ဗျုရို အဖွဲ့ဝင်တစ်ဦးလည်း ဖြစ်သူ ချန်လင်ကျုး အား မြို့ ရန်ပုံငွေ ပိုက်ဆံ အလွဲသုံးစာ လုပ်မှုဖြင့် ၂၀၀၆ ခုနှစ်တွင် ဖမ်းဆီးထောင်ချခဲ့သည်။

မကြာခဏ ဆိုသလို အစွမ်းထက်မြက်သော အာဏာရှိ ပါတီအဖွဲ့ဝင်များသည် သူတို့ကိုယ် သူတို့၊ သူတို့၏ မိသားစုဝင်များ၊ သူတို့ ချီးမြင့်မြောက်စားထားသူများကို အကာအကွယ်ပေးထားနိုင်ကြသည်။ အဘယ်ကြောင့်ဆိုသော် သူတို့သည်ပင်လျှင် ပါတီဖြစ်ပြီး ပါတီအား စုံစမ်းစစ်ဆေးမေးမြန်းကြသူများလည်း ဖြစ်ကြလေသည်။ သူတို့သည် ပါတီအဖွဲ့ဝင်များ၏ ပြုမူလုပ်ဆောင်ချက်များကို ပါတီပြင်ပမှ ဝင်ရောက်စွတ်ဖက် အကဲဖြတ်ခြင်း လုံးဝ လက်မခံ။အဖွဲ့ဝင်များသည်သာ ထိပ်တန်းအရာရှိများ၏ ချယ်လှယ် စွတ်ဖက်မှုများကို အမြဲတမ်း ခေါင်းငုံ့ လက်ခံကြရသည်။

အကယ်၍သာ ပါတီအနေဖြင့် ထိပ်တန်းခေါင်းဆောင်များနှင့် ဆန်ကျင်သည့် အပြုအမှု လုပ်ဆောင်ချက်များ လုပ်ဆောင်မိပါက ဘာကြောင့် ထိုကဲ့သို့ လုပ်ဆောင်ရသနည်းဟု မေးခွန်ထုတ် မေးမြန်းခြင်းခံရပါသည်။

မည်သို့ပင် ဖြစ်စေ စည်းကမ်းထိန်းသိမ်း စစ်ဆေးရေး ကော်မရှင် အနေဖြင့် ပြည်သူများ၏ သတင်းအချက် အလက်ကို စစ်ဆေး အသုံးပြုနိုင်သော အထူးအခွင့် အရေးတစ်ရပ် ရယူထားသည်။ သူတို့သည် သတင်းအချက်အလက် ကွန်ယက်များ၊ သတင်းပေးစောင့်ကြည့်သူများ၊ လူူထု၏ ကိုယ်ပိုင် သတင်းအချက်လက်များကို ထိန်းချုပ်ထားခြင်းဖြင့် သူတို့အား ကြောက်လန့်စေလေ့ရှိသည်။

ပေါလစ်ဗျုရို

တရုတ်ပြည် လူဦးရေ တစ်ဒဿမသုံး ဘီလီယန် ခန့်အား အကျိုးသက်ရောက်စေသော အရေးပါအရာရောက်စေသည့် ဆုံးဖြတ်ချက်များအား လက်တစ်ဆုပ်စာခန့်သာရှိသည့် ပါလစ်ဗျုရို ပါတီဝင်များကသာ ဆွေးနွေး အတည်ပြုကြပါသည်။ တရုတ်ပြည်၏ တန်ခိုး အာဏာများ စုစည်းရာ အချက်အချာ ဗဟို မဏ္ဍိုုင် ကြီးလည်း ဖြစ်သည်။

ပေါလစ်ဗျုရို၏ အဖွဲ့ဝင် ၂၄-ယောက်အား ပါတီ၏ ဗဟိုအမှုဆောင် ကော်မတီမှ ရွယ်ချယ်ထားသည်။ သို့ပေသည့် တကယ့် အချုပ်အချာ အာဏာသည် အမြဲတမ်း ကော်မတီ အဖွဲ့ဝင် ၉-ဦး၏ လက်ထဲတွင်သာ ရှိသည်။ သူတို့သည် ထိပ်သီး အမှုဆောင် အုပ်စု တစ်စု ကဲသို့ ရပ်တည်နေပြီး တိုင်းပြည်အပေါ် သြဇာအာဏာ အလွှမ်းမိုးဆုံးသော အုပ်စုလည်းဖြစ်သည်။

အမြဲတမ်း ကော်မတီ၏ လုပ်ဆောင်ချက်များသည် လျို့ဝှက်ကာ၊ ရှင်းလင်းပြတ်သား လေ့ မရှိတတ်ကြချေ။ သူတို့၏ အစည်းအဝေးများသည် မကြာခဏ ဆိုသလို့ ပုံမှန် တွေ့ဆုံဆွေးနွေးကြသော်လည်း၊ တခါတရံ အကျိုးရလဒ် မရှိသော ပြောဆိုခြင်းများ၊ သဘောထားကွဲလွဲမှုများဖြင့် တွေ့ဆုံကြရသည်။

အထက်တန်း ခေါင်းဆောင်များမှ စတင် စကားပြောဆိုပြီး၊ တဖြည်းဖြည်းခြင်း သူတို့၏ ထင်မြင် ယူဆချက်များကို သာသာထိုးထိုး အလေးပေး ဆုံးဖြတ်ကြသည်။ သူတို့ ဆုံးဖြတ်ချက်များ အတည်ပြုနိုင်ရန် ကြိုးစားအားထုပ်ကြပြီး၊ အကယ်၍ ဆုံးဖြတ်ချက် အတည်မပြုနိုင်ပါက အဓိကကျသူများက တိန်းဖယ်သွားကြသည်။

ဆုံးဖြတ်ချက်များ ချပြီးသည် ဆိုသည်နှင့် အဖွဲ့ဝင်များ အားလုံး အတူတကွ သွေးစည်း ချည်နှောင် ခိုင်မြဲကြရသည်။ ပါတီ အစည်းဝေးများ အတွင်းတွင် ပါတီလမ်းစဉ် သဘောထားကွဲလွဲမှုများ နှင့် အသေးအမွား တိုက်ခိုက်မှုများ ရှိလေ့ရှိသော်လည်း ထို့ကွဲလွဲမှုများသည် အများပြည်သူ လူထုရှေ့မှောက်သို့ ထွက်လာလေ့ရှိသည်မှာ အလွန်အမင်း ဖြစ်တောင့် ဖြစ်ခဲ ရှားပါးလှသည်။

၁၉၈၉-ခုနှစ် တီယန်မင်း အရေးအခင်းတွင် အဘယ်ကဲ့သို့ ကိုင်တွယ်ဖြေရှင်းရမည်လဲဆိုသော အချက်အပေါ် ခေါင်းဆောင်များ အချင်းချင်း သဘောထားကွဲလွဲ တိုက်ခိုက်ကြသည့် အခါတုန်းက အများပြည်သူ ရှေ့မှောက်သို့ အာဏာ ယှဉ်ပြိုင်ကြရသော သဘောထားကွဲလွဲမှုများ ထွက်လာခဲ့သေးသည်။ ထိုစဉ်က စုံစမ်းစစ်ဆေးမှုများ ပြုလုပ်ကာ ပေါလစ်ဗျုရို အဖွဲ့ဝင် အသစ်များကို ရွေးချယ် တင်မြောက်ခဲ့ကြသေးသည်။

ထိပ်တန်း ရာထူးများသို့ ရောက်ရှိနိုင်ရန် အတွက် အဖွဲ့ဝင် အနေဖြင့် ပါတီအတွက် ကြိုးစားလုပ်ကိုင် ပေးထားသည့် အထောက်အထားများ အလွန်အမင်း ကောင်းမွန်နေဖို့လိုသည်။ ထိုအပြင် ကိုယ့် ကို ထောက်ခံပေးမည့် သူ၊ အငြင်းအခုံ သဘောထားကွဲလွဲသည့် ပြဿနာများ ကို ပါးနပ်စွာ ရှောင်တိမ်းလျက်၊ သြဇာ အာဏာ ရှိသူနှင့် ရန်သူ မဖြစ်မိစေရန် သတိထား ဆောင်ရွက်တတ်ဖို့လည်း လိုပေသည်။

ဋ္ဌာနဆိုင်ရာ တန်ခိုးအာဏာ

ပေါလစ်ဗျုရို၏ ထိပ်တန်းမှ အမြဲတမ်း အဖွဲ့ဝင်များသည် နိုင်ငံတော် ပြည်သူ့ လွတ်တော်၏ ပါတီ အထွေထွေ အတွင်းရေးမှု ရာထူး၊ ဥက္ကဋ္ဌ ရာထူး၊ ဗဟို စည်းကမ်း ထိမ်းသိမ်း ရေး ကော်မတီ၏ ခေါင်းဆောင်ရာထူးများကို ခွဲဝေ ယူဆောင် ချုပ်ကိုင် ထားကြလေ့ရှိသည်။

ပေါလစ်ဗျုရို တစ်ခုလုံးသည် ပါတီဋ္ဌာနကြီးများ ရှိရာ ပေကျင်း၊ ရှန်ဟိုင်းနှင့် အရေးကြီးသော နယ်မြေဒေသဖြစ်သည့် ကွမ်တုံး မြို့မှ ပါတီ အတွင်းရေးမှုးများ ပါဝင်ကြသည်။

ယနေ့ လက်ရှိ အခြေအနေများတွင် တရုတ်ပြည်၏ စီးပွားရေး ပြုပြင်ပြောင်းလဲမှုများ မှ ထွက်ပေါ်လာသော စီးပွားရေး ရလာဒ်များအရ နိုင်ငံရေး လေ့လာသူများ အကြုံပြု ဆွေးနွေးကြသည်မှာ ဗဟို၏ သြဇာအာဏာ သည် တဖြည်းဖြည်း နှင့် တိမ်းပါး လျော့နည်းလားသည့်ဟု သုံးသပ်ကြသည်။

ထိုအချက်က ဘယ်အရာကို ထောက်ပြကြသလဲဟု ဆိုလျှင် ပါတီ၏ အတွင်ရေးမှုး ရာထူးရယူထားသူ အများစုသည် မြို့ကြီးများ ဖြစ်သော စီချွမ် နှင့် ကွမ်တုံး မြို့များ မှ ဖြစ်ကြပြီး၊ ထိုမြို့များ၏ လူဦးရေထူထပ်မှုသည် ဥရောပ နိုင်ငံများထက်ပင် ပိုမို များပြားကြသေးသည်။ ထိုသည်အတွက် ထိုမြို့များမှ ရရှိသော အခွန်အထုပ်သည် ပေကျင်းရှိ ဗဟို ဋ္ဌာနချုပ်အတွက် အလွန်တရာ အရေးပါ အကျိုးသက်ရောက်စေသော အကြောင်းလည်း ဖြစ်သည်။

သို့ရာတွင် ထိုပါတီ အဖွဲ့ဝင်များအနေဖြင့် တရုတ်ပြည်၏ နိုင်ငံရေး စနစ် မပြောင်းလဲပဲ ဆက်လက် တည်ရှိနေပါက ပေကျင်းရှိ နိုင်ငံရေး ချယ်လှယ် အုပ်စီးနေသူများ လက်အောက်မှ လွတ်မြောက်ရန် အလွန် ခဲယဉ်း နေသေးသည်။

ဆက်လက်ဖေါ်ပြရန်..

The Living Devil


A devil spawned the eggs on earth since 20 years ago. Life had been difficult since then. Atrocious, flagitious spirit overwhelmed the offspring of devil, making their way to hell. Had been transformed with the renowned figures of nauseate, profane autarchy framework, inhumane tyrant, shameless thefts of militarism surrounded by brainless stray dogs wagging tails but decreed the social welfare. They had been constantly hunted down by the fear of truths; the truth that they caused the social evils of poverty and injustice, the truth that they oppressed the perfection and freedom of proven human capacity, the truth that they shut down the gateway to the knowledge and intellectual exposures of the nation.

The miscreancy of military gangdom at large in great multitude. Hear the cries of motherless child. See the tears of young girls from being sold to brothel. Speak with dying old mother suffering from famine.

The bloody devils are alive!

Will the people of suffering stand up and revolt against to this notorious junta?

Ba Kaung

ရေနံချောင်းက ဖေကံကောင်းဖြစ်စေဖို့


စာရေးသူ ကျွနု်ပ် ခရီးသွားမှတ်တမ်း မှတ်ဖွယ်မှတ်ရာ လေ့လာစရာတွေ ရေးမယ်ဆိုကာမှ ခရီးကသွားရပြန်၊ ဒါ့အပြင် တစ်နိုင်ငံနဲ့ တစ်နိုင်ငံ ရွေ့ဟယ်၊ပြုဟယ် စီစဉ်လုပ်ရာတာတွေက ကထိကထတော်တော်အများသား။ ဒီအထဲ ခရီးထွက်ဖို့ လေယာဉ်လက်မှတ်ကို ဝယ်ပြီးကတဲက ထပ်မကြည့်ပဲ ပစ်ထားလိုက်တာ လေဆိပ်ကို လေယာဉ်ထွက်သွားပြီး နာရီဝက်လွန်မှ ရောက်သွားတော့ လေဆိပ်ထဲမှာ အထုပ်တွေနဲ့ ရီစရာဖြစ်ပြီး ကျန်ခဲ့ရတယ်။ အော်..ငါ့နယ့်... ကိုယ်ကိုကိုယ်ပဲ ကျိတ်ပြီးအပြစ်ပဲတင်ရတော့တယ်။

ဒီရက်ထဲမှာလည်း စာရေးဖို့ စိတ်ကအာရုံဝင်စားလို့ မရပြန်၊ ကိုယ့်မြန်မာပြည်ရဲ့ လေဘေးဒုက္ခအဝဝ၊ သာမန်ပြည်သူတွေ သေကြေ ပျက်ဆီး ဆုံးပါးကြပုံ၊ လေဘေးအန္တရာယ်ကြောင့် သားငယ် သမီးအရွယ်ကလေးတွေရဲ့ ရုပ်အလောင်းတွေကို တွေ့ရတော့ အသည်းနှလုံးမှာ တစစ်စစ် တုံရင်လို့နေတယ်။ ကြေကွဲရပါတယ် ကလေးတို့ရယ်။ နာကျင်ခြင်း ဝေဒနာ အတိုင်းအဆမဲ့စွာ ခံစားသွားကြရမယ်ဆိုတာလည်း ဆင်ခြင်သုံးသပ်မိတယ်။ အကယ်၍ နောင်ဘဝဆိုတာနဲ့ ဘုရားသခင် ရှိခဲ့ရင် မင်းတို့လေးတွေ ကောင်းရာသုကတိလားလို့ ဘုရားသခင်ရဲ့ အစောင့်အရှောက်အောက်မှာ အေးချမ်ပါစေလို့ ဆုတောင်းပေးလိုက်ပါတယ်။ မြန်မာပြည် စစ်အစိုးရရဲ့ အသိပညာမဲ့စွာ စီမံခန့်ခွဲအုပ်ချုပ်မှု ညံဖျင်းပုံက ကျွနု်ပ် တောက် ခေါက်ပြီး မိုက်ရိုင်းလိုက်လေခြင်း ဆိုပြီး ညည်းတွားလို့သာ နေရတော့တယ်။ ငယ်စဉ်ကလေးဘဝ လေဘေးရောင်းတုံးက လေဘေးဆိုတဲ့ အသုံးအနှုန်းက နေစဉ်သုံးစွဲနေကျ ဖန်တရာ စကားလုံးဖြစ်ခဲ့ပေမယ့် ဒီကနေ့အဖို့မှာ လေဘေး ဆိုတဲ့ ဝေါဟာရ အသုံးအနှုန်းက ခါးသီးစွာအာရုံထဲကို ဝင်ရောက်လာတယ်။

ဒီည စာရေး၊ဇာတ်အိမ်တည်ဆောက်ဖို့ ဘယ်လိုမှ ညဏ်စဉ်ကို စုစည်းလို့ မရတော့တာနဲ့ပဲ ကိုယ့်မှာ ရှိနေတဲ့ ဘဝတွေအကြောင်း မှတ်တမ်းမှတ်ရာတွေ အထဲက ကျောက်ပန်းတောင်က ရေနံတွင်းတူးသမားတွေရဲ့ မျှော်လင့်ချက်တွေနဲ့ ရှင်သန်နေတဲ့ ဘဝတစ်စေ့တစ်စောင်းကို ဖေါ်ပြပေးလိုက်တယ်။ ကျွနု်ပ်တို့ ငယ်စဉ်က မျှော်လင့်ချက်တွေကို ပေးခဲ့တဲ့ ဖားကန့်က ကျောက်တွင်းတူးသမား ဘဝတွေကို ပြန်လည် အမှတ်ရစေတယ်။ အဲဒီခေတ်အခါတုံးက ရေပန်းစားခဲ့တဲ့ ကျောက်တူးသမားဘဝ သီချင်း။ ဒီတစ်ကျင်းမရလျှင် နောက်တစ်ကျင်း ဆိုပြီး ကံကို ဦးထိပ်မှာ ပန်ဆင်ပြီး မျှော်လင့်ချက် ဇွဲကို ကျိုးကုတ်ကြရတဲ့ ဘဝတွေပါ။

အခုလည်း အဲဒီတုန်းက ကျောက်တူးသမားတွေနဲ့ အလားသဏ္ဍာန်တူတဲ့ ရေနံတွင်းတူးသမားတွေပေါ့။မျှော်လင့်ချက်လေး တစ်ခုပါ။ မျှော်လင့်ချက်နဲ့ တစ်ဝမ်းတစ်ထွာ အစားကို နပ်မှန်အောင် စားရရေးအတွက် အဆင်ပြေရာ မီးစဉ်ကြည့်ကကြရသည့် မြန်မာပြည်ဘဝဇာတ်ခုံမှ ဇာတ်ကောင်များပါပဲ။ မြန်မာပြည် အစိုးရ၏ အလုပ်အကိုင် ဖန်တီးပေးနိုင်စွမ်း မရှိခြင်း(ယုတ်စွအဆုံး အိမ်တွင်းမှုလုပ်ငန်း၊ ပြည်တွင်ဖြစ် ထုတ်ကုန်လုပ်ငန်း၊ စီးပွားရေး အသေးစားလုပ်ငန်းများကို နယ်အလိုက် မဖန်တီးနိုင်ခဲ့ချေ။)၊ ကိုယ်ရည်ကိုယ်သွေး ဆိုတဲ့ စကားကို ဒီနေရာမှာ လာ မပြောစမ်းပါနဲ့။ လူဦးရေ ငါးဆယ့်ငါးသန်းကျော်ရှိ့တဲ့ မြန်မာပြည်ကို ကိုယ်ရည်ကိုယ်သွေးမြင့်တင်းပေးဖို့ ခေါင်းဆောင် အုပ်ချုပ်တဲ့ နည်းပညာတွေနဲ့ ပညာရေးအဆင့်အတန်း၊အခြေခံ လူ့အခွင့်အရေးတွေကို ဖြည့်ဆည်းပေးစမ်းပါအုံး။ မလုပ်တတ်လျှင် လုပ်တတ်တဲ့ လူတွေ လုပ်ခွင့်ပေးလိုက်ပါ။ ရှင်းပါသည်။

လူငယ်၊လူလတ်၊လူကြီးတွေ အသက်အရွယ်မျိုးစုံ ဒေသမျိုးစုံကနေ ဒီကျောက်ပန်းတောင်းကို ရေနံထွက်တယ် ဆိုပြီးလာကြတာ။ ဒီလူတွေလာတော့ အခြားအလုပ်အကိုင်များလည်း ပေါ်ထွက်လာတယ်။ ပထမဦးဆုံး အုန်းသီး၊ငှက်ပျောသီးသည်များ ရောက်ရှိလာသည်။ ရေနံတွင်း မတူးခင် အုန်းသီး၊ငှက်ပျောသီးနဲ့ ဆိုင်ရာကို ပူဇော်ပသကြလေ့ရှိတဲ့ ကျွနု်ပ်တို့ မြန်မာ ထုံးတမ်းစဉ်လာ ယုံကြည်မှုရှိသေးတာကိုး။ နောက်တော့ ထမင်းသည်၊ ကိုယ်တို့လိုလူမျိုး လေဘေးဂျင်ဘောင်းဘီရောင်းတဲ့ လေဘေးထည်တွေလည်း ရောက်လာတော့တာပဲ။

ဤဗီဒီယိုအစိတ်အပိုင်းများသည် ကျွနု်ပ်ကိုယ်ပိုင် ဖြစ်ပေသည့် မည်သူမဆို အသိပေး၍ အသုံးပြုနိုင်ပါသည်။

တဲအိမ်ကလေးများသည် ရေနံတွင်းတူးသမားတို့၏ တွင်းလည်းတူး၊ နားခိုအိပ်စက်ရာလည်းဖြစ်သည့် မျှော်လင့်ချက် ဗိဗာန်များပေတည်း။









အနန္တမေတ္တာဖြင့်
ဘကောင်း